Through the Looking-Glass (Hawaiian Edition) by Lewis Carroll; translated by R. Keao NeSmith

He moʻolelo ʻo "Nā Hana Kupanaha a ʻĀleka ma ka ʻĀina Kamahaʻo" no ke kau wela i hoʻopuka ʻia e Lewis Carroll (Charles Lutwidge Dodgson) no ka manawa mua ma Iulai o ka 1865. Ua pili nā kānaka he nui o loko o ia puke i ka pāʻani pepa. He moʻolelo ʻo "Ma Loko o ke Aniani Kū a me ka Mea i Loaʻa iā ʻĀleka ma Laila" no ke kau anu i hoʻopuka ʻia e Carroll no ka manawa mua i Kēkēmapa o ka 1871. Ma kēia moʻolelo ʻelua, ua pili nā kānaka o ka moʻolelo i ka pāʻani he mū kākela. ʻO ke kanaka mea nui loa i loko o nā puke ʻelua, ʻo Alice Liddell, ke kaikamahine a ke Poʻo o ke Kulanui o Christ Church ma Oxford i ʻEnelani, kahi i hana ai ʻo Dodgson ma ke ʻano he polopeka makemakika. Me ka hānau ʻia ʻana nō o Alice Liddell i ka 1852, iwakālua mau makahiki ma hope o Dodgson, he mea nui ʻo ia i loko o nā puke ʻelua ma kona ʻano he kaikamahine ʻōpiopio he ʻehiku ona makahiki, ʻo ia kona makahiki i ka hui mua ʻana o Dodgson me ia. ʻIke ʻia ke aloha o Carroll iā Alice Liddell ma ka nānā ʻana i nā mele ma k